Galicia seguirá este venres baixo a influencia das altas presións. Os ceos estarán despexados, coas mínimas en lixeiro ascenso e as máximas en valores similares aos do xoves.
Para o sábado non se esperan cambios significativos das temperaturas, aínda que si que entrarán nubes altas. A pesar diso, os ceos estarán pouco nubrados ou despexados. Podería haber algún fenómeno tormentoso.
O domingo baixarán algo as temperaturas, especialmente as diúrnas, e nas últimas horas da tarde entrarán néboas e nubes baixas polo litoral, segundo a previsión de Meteogalicia.
