Os voluntarios da Corporación Fillos de Rivera<> recadaron 9.000 euros para o Banco de Alimentos Rías Altas coa organización da carreira 5KM Solidarios celebrada o domingo na Coruña.
Preto dun milleiro de persoas participaron na iniciativa impulsada polo voluntariado da compañía con sede no polígono da Grela e a recadación íntegra derivada das inscricións foi a parar á entidade que prové de alimentos aos colectivos desfavorecidos da zona.
-
![]()
A fábrica de strong<> Estrela Galicia foi o punto de partida do percorrido, no que participaron persoas de todas as idades e que se desenvolveu nun ambiente festivo. O evento concluíu cunha oferta de actividades como clases de baile afrolatino a cargo da Escola de Baile Son Swing e con servizo de bebidas na meta.
O Concello da Coruña apoiou a iniciativa, do mesmo xeito que a Asociación de Empresarios de Agrela, ASV Eventos, Estrela Galicia 0,0, Cabreiroá, Gadis, Vegalsa, Froitas Rilo, Talleres Hércules, Ambulancias Avan, Securitas, Corgal Automóbiles, Mudanzas Hércules, Cega San Brandán e a Escola de Baile Son Swing.
