Alberto Chicote regresou a Galicia para destapar outra fraude no seu programa ¿Te lo vas a comer?. Neste caso céntrase no negocio da ameixa ilegal, un marisco que moitas veces se vende como galego a pesar de que é recollido e transportado de formar irregular desde Portugal.
O chef acudiu a Redondela e Vigo para comprobar como era o traballo das mariscadoras e explicar que o quilo de ameixa galega pode chegar ata os 14 euros mentres que o da portuguesa véndese a tres.
🔴 La Presidenta de Mariscadoras Redondela, Elisa Pérez, cuenta que si la playa tiene toxinas puede estar cerrada una, dos o incluso tres semanas 👇 https://t.co/sFL4pz6Lnh #MariscoIlegal pic.twitter.com/PrUuOGPPF6
— ¿Te lo vas a comer? (@telovasacomer) 19 de xuño de 2019
Chicote tamén participou nunha operación de Gardacostas na que se interviñeron 3.000 quilos de ameixa ilegal nun camión que tiña como destino as depuradoras galegas. O intermediario xustifícase: " Vale menos da metade. Eu véndoo como portugués, se despois o restaurante o vende como galego, non é o meu problema". Precisamente este mércores foi interceptada máis de media toneladas de ameixa ilegal a AP-9.
🔴 La Policía Marítima de Portugal le cuenta a @albertochicote que las almejas salen desde Portugal con un documento falso https://t.co/sFL4pz6Lnh #MariscoIlegal pic.twitter.com/TafDeYpJWf
— ¿Te lo vas a comer? (@telovasacomer) 19 de xuño de 2019
Chicote tamén acompañou á Policía Martíma de Portugal nunha macrooperación contra o tráfico ilegal de marisco. Nela déixase constancia de que o produto se recolle en zonas contaminadas do Tajo e se introduce en España con documentación falsa. Ademais, as imaxes demostran a falta de controis no proceso: as ameixas, sen ir máis lonxe, estaban apiladas en almacéns.
Finalmente, as cámaras de ¿Te lo vas a comer? gravan o elo máis débil da cadea. E é que os traballadores que normalmente recollen o produto ilegal en Portugal son asiáticos ou de Europa do Leste.