Cinco persoas foron detidas pola Policía Nacional nunha operación contra a distribución de material pedófilo.
Os axentes detivo en total a 21 cidadáns en 14 provincias españolas acusados de formar parte dun grupo que distribuía material pedófilo con gravacións de abusos a menores, segundo informou a Dirección Xeral da Policía do Ministerio do Interior.
OPERACIÓN. A investigación comezou a mediados do pasado ano para determinar a posible existencia dun delito de produción de material pedófilo e abusos sexuais a menores por parte dalgún dos detidos, ou a súa conexión con pederastas que puidesen actuar na rede.
Entre o material atopáronse gravacións de menores nos vestiarios e duchas dun centro deportivo, coa intención de difundir as imaxes en internet, segundo a Policía.
Os arrestados formaban parte dun grupo de usuarios "especialmente activos" na distribución online de gravacións de abusos a menores e utilizaban os equipos informáticos dos seus lugares de traballo e as súas redes internas para efectuar as descargas sen ser localizados
Os arrestados formaban parte dun grupo de usuarios "especialmente activos" na distribución online de gravacións de abusos a menores e utilizaban os equipos informáticos dos seus respectivos lugares de traballo e as súas redes internas para efectuar as descargas sen ser localizados.
Nesta operación contra a pornografía infantil, os axentes efectuaron 24 rexistros domiciliarios, nos que se incautaron de gran cantidade de arquivos.
A investigación comezou a mediados do pasado ano, a cargo da Brigada Central de Investigación Tecnolóxica, cando os axentes detectaron que un grupo de usuarios estaban a compartir gran cantidade de arquivos de pornografía infantil.
Varias persoas distribuían as imaxes ilícitas desde distintas provincias de toda España, polo que se coordinou unha macrooperación policial coa colaboración das Brigadas de Policía Xudicial de 16 cidades.
REXISTROS. Nun dos rexistros atopouse material pornográfico obtido mediante unha cámara que fora ocultada en vestiarios e duchas dun centro deportivo por un dos detidos, que aproveitaba o seu pase como socio para acceder ao lugar sen levantar sospeitas.
A Policía incautouse de 96 discos duros, 10 computadores, 17 dispositivos USB e cartóns de memoria, 3 tabletas, 68 CD e DVD, onde sede almacenaban varios gigas de fotografías e vídeos ilícitos, e 5 teléfonos móbiles.
O material está a ser analizado por axentes especializados para determinar un posible delito de produción de material pedófilo e abusos sexuais a menores ou a conexión con pederastas que puidesen actuar na rede.
As detencións efectuáronse nas seguintes provincias: A Coruña (2), Álava (1), Alacante (1), Asturias (3), Barcelona (1), Cantabria (1), Córdoba (1), Guipúzcoa (1), Illas Baleares (1), Madrid (2), Murcia (1), Pontevedra (3), Valencia (1) e Biscaia (2).
