Un coche acaba encaixado na entrada de peóns do aparcadoiro de Orzán
01 de julio de 2018 (22:46 h.)
O vehículo quedou inserido nas escaleiras do aparcadoiro coruñés
Un vehículo foi o foco dun bo número de curiosos este domingo no paseo de Orzán, na Coruña. O automóbil quedou encaixado na escaleira da entrada para peóns do aparcadoiro situado á beira da praia na cidade herculina.
O vehículo, segundo algún dos presentes, circulaba en sentido contrario a como quedou na entrada.
Moitas persoas quixeron inmortalizar o momento e rodearon o vehículo tomando fotografías cos seus móbiles.