Ao redor de 60 empregados e empregadas retomaron este luns a súa actividade nas instalacións de Fandicosta, na parroquia moañesa de Domaio, as cales non resultaron danadas no grave incendio que o pasado luns arrasou unha das tres naves.
Parte do persoal restante foi trasladado a outros centros de traballo que o grupo ten en Vigo e Vilagarcía, á espera de que se concreten os detalles do Ere temporal, informa a CIG nun comunicado.
A dirección da empresa e o comité manterán unha nova reunión o vindeiro xoves, logo da que tivo lugar este luns pola mañá, para abordar como vai afectar esta medida o cadro de persoal.
A compañía reunirase este mércores con responsables da Consellería de Traballo, tras o que estará en condicións de presentar o Ere.
Volven ao traballo uns 60 empregados da nave incendiada de Fandicosta
A empresa retoma a actividade co seu persoal repartido en varios centros de traballo, xa que parte dos traballadores foron trasladados a Vigo e Vilagarcía