O sindicato CC OO criticou este luns a "coacción" ao persoal da Xunta na aplicación dun sistema para racionalizar horarios e reprochou á Consellería de Presidencia a súa información "tendenciosa" respecto diso.
Nun comunicado, CC OO indica que o uso do sistema Kronos, establecido co obxectivo de racionalizar horarios, non foi aplicado debidamente.
O sindicato sinala que os datos achegados pola Administración pública galega mostran que "só 25 persoas das 14.000 controladas mediante o sistema Kronos están apercibidas por incumprimentos de horario", o que representa "menos do 0,18%".
Por iso, considera "innecesario" o ton "coercitivo" utilizado pola Consellería de Presidencia de pretender que os empregados públicos son "potenciais incumplidores" dos seus horarios e considera "irresponsable" a actitude dese departamento da Xunta, ao que reclama unha "rectificación".
CC OO observa que os empregados públicos non só "cumpren escrupulosamente" as súas obrigacións horarias laborais, senón que incluso teñen un "plus de traballo e dedicación" para suplantar as deficiencias derivadas das políticas da Xunta ao non repor efectivos ou prohibir as coberturas temporais", que levaron a unha "insuficiencia de persoal" nalgúns departamentos.
O sindicato cualifica además de tendenciosa "a información proporcionada pola Consellería de Presidencia a algún medio de comunicación" por considerar que "desprestixia" aos empregados públicos.
Denuncian "coaccións" a persoal da Xunta na aplicación do sistema para racionalizar horarios
CC OO defende que a Consellería de Presidencia ve os empregados públicos como "potenciais incumpridores" dos seus horarios e reclama unha "rectificación" a ese departamento da Xunta
