A Garda Civil detivo no municipio ourensán de Xinzo de Limia a un home acusado de golpear cunha pa na cabeza a un veciño e ao irmán deste.
Segundo a información dos axentes, o home, M.P.P., e 58 anos, foi detido a última hora deste sábado, na parroquia de Soutelo, acusado dun delito de lesións graves.
En concreto, acúsaselle de golpear cunha pa na cabeza a un dos seus veciños, de 65 anos, ao que causou un corte polo cal necesitou asistencia sanitaria e a colocación de dez grapas. Do mesmo xeito, supostamente golpeou tamén a un irmán da vítima, de 57 anos, ao que causou feridas leves.
