Devolven o sobre que un octoxenario galego perdera con toda a súa pensión

Nieves Pérez Arosa, filla do octoxenario que perdeu un sobre no municipio pontevedrés de Vilaboa con toda a súa pensión –ao redor de 800 euros–, confirmou o mediodía deste sábado que o diñeiro apareceu.

A familia recibiu unha chamada da persoa que atopárao nas inmediacións da oficina bancaria de Santa Cristina de Cobres de onde Dealdino Julio Pérez Cortegoso, veciño de Postemirón, retirara a súa paga mensual o venres.

A entrega do diñeiro efectuouse este mesmo sábado.

A familia, aliviada, tras recuperar a pensión do Dealdino, agradeceu o xesto da persoa que atopou o sobre, así como o apoio e solidariedade de todos os que se fixeron eco da procura.