sábado. 26.09.2020 |
El tiempo
sábado. 26.09.2020
El tiempo

Entregan os restos dos catro galegos asasinados o Franquismo aos seus familiares

Entrega dos restos. EFE
Entrega dos restos. EFE

José María Castelo Mosquera, Manuel Pena Camino, Vicente Pena Tarrasa e Manuela Teiga "non eran bandidos nin foragidos", senón persoas que "loitaron pola lexitimidade democrática

Os restos mortais de catro guerrilleiros antifranquistas da zona coruñesa de Val do Dubra, exhumados en 2016 dunha fosa común, foron entregados hoxe aos seus familiares por representantes da asociación pola Recuperación da Memoria Histórica nun acto de homenaxe no que participaron varios alcaldes. 

José María Castelo Mosquera, Manuel Pena Camino, Vicente Pena Tarrasa e Manuela Teiga "non eran bandidos nin foragidos", senón persoas que "loitaron pola lexitimidade democrática referendada polas urnas en febreiro de 1936", sinala a asociación pola Recuperación da Memoria Histórica nun comunicado.

Engade que os catro, tras o golpe de estado franquista de 1936, fuxiron para evitar ser vítimas da represión e víronse obrigados a establecerse en montes onde ao concluír a Guerra Civil española había uns 20.000 homes relacionados coa guerrilla escondidos entre Galicia e León.

A represión do réxime franquista intensificouse a partir de 1948 contra eses guerrilleiros, polo que os catro ocultásense no lugar de Zas, no municipio de Negreira, onde o 5 de marzo de 1949 a Garda Civil rodeounos e nos posteriores combates só Ramiro Souto logrou sobrevivir e fuxir, aínda que morreu en 1952 noutro novo enfrontamento similar en Mesía.

A asociación para a Recuperación da Memoria Histórica destaca que puido localizar desde hai dezaseis anos a máis de 1.400 vítimas do franquismo en España, incluído 18 fosas comúns en Galicia cun total de 53 corpos recuperados.

Unha representante da citada asociación, Carmen García, subliñou nunha conversación telefónica con Efe que aínda persisten "trabas" tanto por parte das autoridades civís como relixiosas para localizar fosas comúns de victimas do réxime ditatorial e hai "moitas complicacións" para poder exhumar corpos.

"Falta colaboración", indicou García, quen sinalou que a asociación ten indicios de varias fosas comúns pendentes da exhumación de corpos e lamentou que persiste aínda o "medo" entres veciños de familiares de vítimas da brutal represión franquista.

"Pelexamos contra o silencio dos veciños que non queren falar do tema", comentou García, e destacou que en Galicia "todos os que falaron do tema foron represaliados", porque "aquí, foi triunfar o golpe de estado e entraron a saco" os colaboradores da ditadura.

Entregan os restos dos catro galegos asasinados o Franquismo aos...
comentarios