Controlados os dous incendios que afectan ao Parque Natural do Invernadoiro
No lugar traballan catro técnicos, 37 axentes, outras tantas motobombas, 83 brigadas, cinco pas, catorce helicópteros e sete avións
Os dous incendios forestais rexistrados no concello de Vilariño de Conso (Ourense), presumiblemente senllos focos dun lume único, están controlados e concéntranse na parroquia de San Mamede de Hedrada.
As chamas, informa a Consellería de Medio Rural no seu último parte, iniciáronse o pasado mércores dez minutos logo das catro da tarde e, segundo as últimas estimacións, afectan a 14 e 96 hectáreas, respectivamente.
No lugar traballan catro técnicos, 37 axentes, outras tantas motobombas, 83 brigadas, cinco pas, catorce helicópteros e sete avións.
A Xunta recorda que está a disposición da cidadanía o número de teléfono gratuíto 085, ao que deben chamar en caso de detectar algunha incidencia.