O xornalista Jordi Évole anunciou este venres no programa Al rojo vivo, de La Sexta, a próxima emisión dunha entrevista co narcotraficante galego Marcial Dorado.
A peza, que se emitirá no marco dunha serie de entrevistas con presos nos cárceres españois dentro do programa Lo de Évole, chega a escasas semanas das autonómicas galegas e sete anos despois de que El País sacase á luz unhas fotografías de Dorado xunto a Alberto Núñez Feijóo tomadas nos noventa.
