Un mozo de 23 anos, veciño de Oleiros, faleceu durante a noite deste xoves nun accidente de tráfico rexistrado no municipio coruñés de Oleiros.
Segundo a información do CIAE 112-Galicia, o suceso produciuse pouco antes da medianoite na estrada DP-5813, ao seu paso pola parroquia de Osedo, no lugar de Seixalda, onde o vehículo, no que viaxaban tres mozos, saíuse da vía e chocou violentamente contra un poste da iluminación.
Ata a zona desprazáronse efectivos dos Bombeiros de Betanzos, que tiveron que liberar o corpo da vítima mortal, que viaxaba de copiloto. Tanto o condutor como o outro ocupante do vehículo foron trasladados por persoal sanitario do 061 ao Hospital da Coruña.
No operativo interviñeron tamén axentes da Garda Civil, que indicaron que o mozo falecido era o único dos ocupantes que non levaba posto o cinto de seguridade.
