Falece un octoxenario nas instalacións da piscina municipal de Marín
11 de septiembre de 2019 (22:01 h.)
Os médicos desprazados ata o recinto só puideron confirmar a morte do home
Un home de 86 anos e iniciais J.F.F. faleceu este mércores mentres se atopaba nas instalacións da piscina municipal de Marín. Segundo confirmaron fontes do 061, o servizo sanitario foi contactado ao redor das 08.30 horas tras percibirse que un usuario podería estar a sufrir unha parada cardiorrespiratoria no recinto.
O 061 mobilizou unha ambulancia medicalizada con base en Pontevedra e a ambulancia asistencial de Marín. Finalmente, á súa chegada ás instalacións municipais, os médicos confirmaron o falecemento do home.