Un operario faleceu na madrugada deste martes tras ser golpeado na cabeza por unha máquina no Porriño, informaron fontes do 112 Galicia.
O accidente laboral produciuse pouco antes das seis da mañá nunha fábrica destinada á fabricación de pezas metálicas situada no polígono das Gándaras.
A pesar dos intentos de recuperación, os profesionais sanitarios desprazados ao punto nunha Uvi móbil nada puideron facer por salvarlle a vida a este traballador.
Para colaborar no operativo, o 112 Galicia avisou á Policía Local e á Garda Civil.
