Falece un peregrino nunha pensión de Arzúa

Un peregrino foi achado morto este xoves na habitación na que se hospedaba na pensión Rúa en Arzúa, informaron a Efe fontes do establecemento.

Os traballadores do negocio atopárono sen vida sobre as 9.30 horas no cuarto individual que ocupaba e deron aviso á Garda Civil da localidade.

Ao lugar trasladouse tamén un médico do pobo que só puido certificar a súa morte.

Todo apunta a que o falecemento puido deberse a un infarto, aínda que se está á espera da autopsia para confirmalo.