lunes. 24.01.2022 |
El tiempo
lunes. 24.01.2022
El tiempo

Feijóo mantén a incógnita sobre a remodelación do seu Goberno: "Non teño ningunha ansiedade"

Feijóo, en la reunión del Consello de este jueves. PEPE FERRÍN (AGN)
Feijóo, na reunión do Consello deste xoves. PEPE FERRÍN (AGN)

Di que non lle gustaría ter que "prescindir" de conselleiro algún, pero recoñece que o PP tamén está "comprometido" coas cidades 

O presidente da Xunta, Alberto Núñez Feijóo, mantén a incógnita sobre a que sería a sexta remodelación do seu Executivo e que no PPdeG se espera de forma "máis ou menos inminente", dado que se dá por feito que, se non é de máis calado, como mínimo o Goberno galego terá que ser retocado para cubrir os ocos de Beatriz Mato e José Manuel Rey Varela. 

E é que, ás portas de que o PPdeG empece a presentar de xeito formal aos candidatos das cidades de forma graduada a partir da semana que vén, Mato e Rey Varela perfílanse como os candidatos ás alcaldías da Coruña e Ferrol, respectivamente. 

Entre tanto e a pesar das críticas da oposición, que censura que tanto Mato como Rey Varela sigan manexando unha carteira autonómica mentres "fan campaña" nas súas respectivas cidades, Feijóo mantén a incógnita sobre o cando e en que medida acometerá a remodelación. 

Preguntado este xoves, no compareceu precisamente con Mato, o presidente incidiu na "normalidade" das reunións do seu Goberno. 

"A metade do Consello estivemos a falar do orzamento porque a política económica e orzamentaria está bloqueada. Tiñamos que ter aprobada a lei de teito de gasto e non podemos porque non temos información das entregas a conta", queixouse.

"NON PRESCINDIRÍA DE NINGÚN". Dito isto, reivindicou que conta co Goberno que lle gustaría ter" e que, en consecuencia, non ten "ningunha ansiedade" por cambialo. 

Iso si, no seu habitual xogo de palabras, engadiu que, aínda que "non lle gustaría prescindir de ningún conselleiro, "hai cidades nas que o Goberno non existe ou é moi deficiente".

"COMPROMISO" COAS CIDADES. Neste sentido, defendeu que os populares están "comprometidos con Galicia, coas cidades e os territorios que a conforman", o que inevitablemente podería influír nas súas decisións futuras. 

"Non hai que dar nada por feito, nin hai que descartar nada. Veremos o que sucede", resolveu. 

Feijóo mantén a incógnita sobre a remodelación do seu Goberno: "Non...
comentarios