Tres feridos nun aparatoso accidente en Santiago
16 de octubre de 2018 (02:41 h.)
O vehículo quedou envorcado sobre unha varanda
Tres persoas resultaron feridas na noite deste luns ao sufrir un aparatoso accidente na Avenida de Lugo, en Santiago.
Os tres ocupantes sufriron feridas cando viaxaban en dirección ao centro da cidade e, por motivos que se descoñecen, o condutor perdeu o control do vehículo e este acabou envorcado sobre unha varanda que separa o paso elevado dun carril inferior.
Ata o lugar dos feitos desprazáronse efectivos do 061, así como os bombeiros e a Policía Local de Santiago.