Dúas persoas necesitaron asistencia médica a causa do impacto do seu vehículo contra un xabaril que accedeu á A-8, ao paso por Ribadeo en sentido Vilalba. O suceso ocorreu ao redor das 6.20 horas deste domingo.
Segundo indicaron ao persoal do 112 Galicia, precisaban axuda médica debido a dor nas cervicais e mareos.
Deste xeito, desde o CIAE 112 Galicia, informouse ao 061-Urxencias Sanitarias e aos axentes de seguridade da Garda Civil de Tráfico.