Galicia baixa dos 4.000 casos activos de covid con 144 novos contaxios

Galicia ten este venres 152 persoas ingresadas con covid-19 en centros hospitalarios, fronte a 160 do día anterior, das que 43 están en unidades de coidados intensivos, segundo datos da Consellería de Sanidade.

O descenso na presión hospitalaria acompaña a caída xeral de casos activos de coronavirus en Galicia, que é continuada desde o 2 de agosto e que nesta xornada sitúase en 3.986, dos que 3.834 están nos seus domicilios. Os novos contaxios diarios descenderon a 144. 

Por áreas sanitarias, todas continúan co seu descenso e a da Coruña é a única que supera os mil infectados (1.064), mentres que outras, como Ferrol, están por baixo dos douscentos (185) ou non chegan a trescentos, como o caso de Pontevedra (240). Lugo é a segunda área con máis infectados (803), seguida por Santiago de Compostela (670) e Vigo (581).

Galicia logrou situarse este xoves no nivel de risco medio, do mesmo xeito que a media do conxunto de España, tras rexistrar unha incidencia acumulada de 143,7 casos a catorce días por cada cen mil habitantes, por 140,4 de media de España.