O litoral galego permanecerá este domingo en alerta laranxa por un novo temporal costeiro que afectará o noroeste e oeste da provincia da Coruña e á costa lucense a partir da tarde. Espéranse ventos do Oeste de forza 7 e 8 e mar combinada do oeste con ondas de entre cinco e seis metros. En Lugo, o vento poderá alcanzar forza 8-9.
Ademais, na provincia de Pontevedra actívase unha nova alerta laranxa por vento que afectará a toda a rexión a partir da tarde con refachos que poderán alcanzar os 100 km/h.
Na montaña de Lugo e Ourense, a partir da media noite e ata a tarde do domingo, permanecerá activo o aviso amarelo por neve e espéranse acumulacións de ata 18 centímetros e a cota ao redor dos 700-900 metros.
Galicia, en alerta laranxa este domingo por un novo temporal
En Pontevedra espéranse ventos de máis de 100 quilómetros por hora. Na montaña de Lugo e Ourense permanecerá activo o aviso amarelo por neve
