Galicia esquiva a vaga de calor que deixará temperaturas de máis de 40º en España

Galicia continuará este sábado baixo o dominio das altas presións, con ceos despexados e temperaturas que rexistrarán un lixeiro ascenso e superarán os 30 graos en zonas de strong <>Ourense e do sur de strong<> Lugo.

Segundo Meteogalicia, o ceo estará despexado en xeral, con presenza de nubes baixas e algún banco de néboa no norte da comunidade. 

As temperaturas experimentarán un lixeiro ascenso: en Lugo, Pontevedra, Vigo e Santiago superarán os 25º, mentres que en strong <>Ourense poderían chegar aos 34º.

O vento soprará frouxo de compoñente norte con réxime de brisas nas Rías Baixas durante a tarde.

O domingo empezará sen cambios, aínda que as altas presións iranse debilitando progresivamente ao longo da xornada e pola tarde podería chover nalgunhas zonas.