Galicia rexistra 293 positivos nun día e os casos activos chegan a 4.137

Galicia rexistra este sábado 55 casos activos máis de coronavirus que o venres, tras contabilizar 293 novos diagnósticos e 238 altas de pacientes que superaron a enfermidade. De tal forma, o total de contaxiados é 4.137. A cifra de falecidos desde que comezou a pandemia mantense en 656.

Por áreas, a de A Coruña continúa sendo a que presenta máis casos activos, con 1.446 (un máis). Séguelle Lugo, con 804 (oito máis). En Ourense hai 417 (cinco máis), en Pontevedra son 308 (29 máis), Vigo con 337 (10 máis), Santiago con 677 (catro máis) e Ferrol con 148 (dous menos).

Do total de pacientes positivos, 17 están na Uci, o que supón dous máis que o venres, e hai 177 hospitalizados en planta (seis máis). O resto, 3.943 pacientes, recupéranse no domicilio. 

Desde que comezou a pandemia 13.438 persoas que tiveron o virus xa se curaron. O número de PCR realizadas ata agora en Galicia é 359.055.