Galicia rexistrou este venres un total de 4.452 casos activos por coronavirus, 9 menos que na xornada de onte, segundo o balance diario da Consellería de Sanidade que non contabilizou novos falecementos, de maneira que a cifra total mantense en 726.
Do total de falecidos, 318 están vinculados a residencias de persoas, maiores, un 44 % do total.
En canto aos casos activos, dos 4.452, 32 están en terapia intensiva en UCI e 210 en habitacións de hospitais, mentres que os 4.227 restantes permanecen nos seus domicilios.
Segundo ese departamento da Xunta, do total de casos activos 1.109 pertencen á área de A Coruña (4 menos que onte), 784 Pontevedra (24 máis), 668 Ourense (9 máis), 630 Lugo (10 menos), 578 Santiago de Compostela (30 menos), 511 Vigo (9 máis), e 172 Ferrol (7 menos)
Entre os casos activos hai 340 persoas maiores vinculadas a residencias e 134 profesionais que os atenden, ademais de 219 relacionados con centros escolares, nos que hai 54 aulas pechadas, segundo a Consellería de Sanidade.
Segundo os cálculos oficiais, en Galicia levouse a cabo por parte do sistema público de saúde un total de 452.649 probas diagnósticas de PCR para detectar o virus (6.551 máis que onte).
Ademais, hai un total de 17.802 persoas curadas (230 máis que na xornada de onte).
