A Garda Civil descarta o intento de rapto dun neno de 13 anos en Sarria
10 de enero de 2019 (19:41 h.)
A presunta vítima dedíxose da súa primeira versión e declarou que non houbo tentativa de secuestro cando se dirixía ao instituto
A Garda Civil descarta o intento de rapto este xoves dun neno de 13 anos en Sarria.
Os axentes iniciaron unha investigación tras ter coñecemento de que esta mañá, pouco antes das nove, un menor que ía camiñando cara ao instituto supostamente fora introducido pola forza nun coche de cor vermella, do cal conseguiría escapar ao saltar en marcha na rotonda da Rúa Castelao.
Finalmente, o mozo desdíxose da súa primeira versión e acabou confesando que non era certo. A Garda Civil revisara cámaras e recollera a roupa do adolescente para tomar pegadas.