Unha borrasca atlántica, desprazada desde as Illas Británicas e Islandia, situarase desde este xoves sobre o mar Cantábrico e afectará o tempo en Galicia, así como en boa parte da Península.
A borrasca estará estacionada ata a noite do venres cando comezará a moverse cara ao norte irá remitindo paulatinamente. Esta situación dará lugar a precipitacións na metade norte peninsular, sendo estas máis intensas en Galicia, a área cantábrica e Pireneos, onde poden ser localmente fortes e acompañadas de tormentas e tenderán a remitir durante a segunda metade do venres.
Bos días! Borrasca no Golfo de Biscaia.
— MeteoGalicia (@MeteoGalicia) June 11, 2020
Xoves de chuvia intermitente e baixada de temperatura.
O máximo achegamento da borrasca producirase na vindeira madrugada deixando un episodio importante de chuvia nas primeiras horas do venres.
Sábado e o domingo mellorando lentamente. pic.twitter.com/u5hYC8Znd2
Respecto das temperaturas máximas, a Aemet espera que baixen de forma significativamente das mesmas durante o xoves na metade oeste peninsular e dará lugar a valores inferiores aos habituais para a época na metade noroeste peninsular.
As choivas terán con aviso por risco (amarelo) a Guipúzcoa, Navarra, Huesca e Lleirda, onde se pode acumular máis de 15 litros por metro cadrado e o risco por vento, con refachos de ata 80 quilómetros por hora, afectará a Almería.
Pero o aviso de fenómeno meteorolóxico extremo que afectará a un maior territorio este xoves serán os fenómenos costeiros que terán con aviso amarelo á Coruña, Lugo –costa da Mariña–, Asturias e Cantabria. Ademais, zonas como Murcia, Almería, Granada, Málaga, Cádiz e as cidades autónomas de Ceuta e Melilla tamén estarán en risco polo tempo.
VENRES. O venres espérase un novo descenso de temperaturas diúrnas que afectará a toda a Península salvo o nordés e alcanzaranse de novo por baixo dos habituais na Península excepto na área mediterránea.
Do mesmo xeito, prognosticou ventos xeneralizados do oeste que este nbsp;xoves&alcanzarán certa intensidade no norte de Galicia e no litoral sueste andaluz e intensificaranse durante o venres con refachos fortes que se irán estendendo a zonas altas do terzo norte peninsular.
Igualmente, o mar tamén resultará afectado porque se esperan ventos do oeste ou do noroeste de forza 7 na costa da Mariña, Asturias e Cantabria onde se esperan ondas de catro metros. Tamén haberá ventos do oeste de forza 7 con ondas de ata tres metros no litoral sueste peninsular.
