Un camioneiro resultou ferido de carácter leve este martes ao perder o control do vehículo que conducía e quedar atravesado no medio da AG-64 en dirección Ferrol, á altura de San Sadurniño.
Segundo informou o 112 Galicia, o condutor , de 50 anos, tivo que ser evacuado por Urxencias Médicas ao hospital máis próximo.
O home perdeu o control do camión, aldedor das 14.00 horas, e chocou coa mediana, facendo efecto tesoira e ocupando practicamente os dous carrís da autovía. Ademais, os restos do accidente quedaron espallados en ambos os sentidos da circulación, polo que tivo que intervir o servizo de limpeza e mantemento da Consellería do Territorio.
Ferido un camioneiro ao sufrir un accidente na AG-64 en San Sadurniño
O vehículo fixo efecto tesoira e quedou ocupando os dous carrís da autovía
