Un home resultou ferido na noite deste xoves en Vilagarcía de Arousa tras caer desde unha altura duns tres metros cando intentaba acceder á súa casa desde a fiestra do seu veciño.
O home, de 48 anos, quedouse sen chaves e decidiu entrar no seu domicilio –localizado no edificio Lara, na Praza de Galicia– desde a fiestra do veciño, pero escorregou e caeu sobre a terraza do segundo piso.
O servizo de urxencias municipal tívoo que rescatar coa axuda dun vehículo con autoescalera.
No operativo tamén participaron efectivos de Protección Civil, Bombeiros do Salnés e Policía Local.
O ferido, que presentaba diversas fracturas, foi trasladado nunha ambulancia do 061 ao Hospital do Salnés con prognóstico reservado.