Un home falece en Navia de Suarna tras sufrir un accidente no monte
12 de julio de 2018 (12:03 h.)
A vítima estaba a cortar árbores na montaña ► A pesar dos intentos de reanimación, os servizos de urxencia non puideron facer nada por salvarlle a vida
Un home faleceu este mércores no concello lucense de Navia de Suarna tras sufrir un accidente mentres cortaba árbores no monte. Pasadas as 18.30 horas da tarde, o persoal sanitario informaba ao 112 Galicia da saída do helicóptero medicalizado con base en Ourense cara ao Centro de Saúde de Navia de Suarna, para o posible traslado dunha persoa que sufrira un accidente no monte.
Tras o aviso, desde o CIAE solicitouse a intervención dos axentes da Garda Civil.
A pesar dos intentos de reanimación, os facultativos só puideron confirmar o falecemento da persoa.