Detido por non presentarse a un xuízo un home sorprendido oito veces conducindo sen carné
24 de agosto de 2019 (16:21 h.)
Os axentes sometíano a unha vixilancia especial dentro do programa de control de condutores multirreincidentes
A Garda Civil detivo no municipio coruñés de Carral a un home que non se presentou a un xuízo rápido por un delito contra a seguridade viaria, tras ser sorprendido conducindo sen carné por oitava vez. No momento da súa detención, chegaba á súa vivenda conducindo un vehículo.
O home fora citado a un xuízo rápido por un delito contra a seguridade viaria tras ser sorprendido conducindo sen obter nunca o permiso de circulación.
Os axentes sometíano a unha vixilancia especial dentro do programa de control de condutores multirreincidentes, dado que xa foi sorprendido oito veces conducindo distintos vehículos en vos últimos dous anos.