Importantes desfeitas en San Vicente do Mar ao rebentar un tanque de auga
12 de junio de 2020 (15:19 h.)
Coches desprazados e electrodomésticos arrastrados rúa abaixo son algunhas das imaxes que deixou o incidente
Varios edificios, coches e elementos do mobiliario urbano víronse severamente afectados este venres tras rebentar un tanque de auga en San Vicente do Mar, no Grove.
Por agora descoñécense as causas do suceso, ocorrido nas inmediacións da capela, preto do acceso ao monte, no principal depósito de auga da localidade.
Varios coches foron desprazados e a auga arrastrou mobles e electrodomésticos. Ata o lugar desprazáronse efectivos de Protección Civil, Bombeiros, Policía Local e Garda Civil.