A Garda Civil detivo este martes a un veciño de Covelo que tiña 28 plantas de marihuana. Acúsaselle dun suposto delito contra a saúde pública por cultivo e elaboración de drogas.
O home, de 51 anos e con antecedentes, era o propietario do terreo onde apareceu a plantación. A marihuana foi incautada concretamente na parroquia de Barciademera.
A Garda Civil tivo o coñecemento de que no terreo había estas plantas e ao inspeccionar a leira localizou un alpendre onde se almacenaba a marihuana.