A Garda Civil de Santiago investigou a un veciño da Coruña, como presunto autor dun delito de condución temeraria ao conducir, a pasada madrugada, en sentido contrario pola autovía AG-56 ao seu paso por Santiago de Compostela.
A Central de Servizo de Tráfico recibiu varias chamadas de usuarios da vía, alertando da presenza dun vehículo que circulaba en sentido contrario.
Segundo informa o Instituto Armado nun comunicado, o investigado accedeu á AG-56 no quilómetro 11, realizando a súa incorporación á mesma en sentido contrario, circulando pola mesma ata a colisión con outro vehículo que circulaba no fluxo correcto e a velocidade reducida.
A Garda Civil someteu ao condutor responsable do accidente ás pertinenentes probas de alcol e drogas, arroxando un resultado negativo en ambas.
O investigado foi posto a disposición do Xulgado de Instrución de Garda de Santiago de Compostela.