A Garda Civil de Lobios (Ourense) tomou declaración a un veciño desta localidade, en calidade de investigado, como presunto autor dun incendio forestal rexistrado nun monte particular no lugar de Pazos, desta localidade.
Segundo informou a Comandancia de Ourense, o presunto autor do incendio ocorrido o pasado 21 de abril neste Concello ourensán é D.G. de 71 anos de idade, veciño da citada localidade.
Ao home atribúenlle un delito menos grave de incendio forestal, no que resultaron afectadas 0,02 hectáreas de monte baixo.
As dilixencias por estes feitos xa foron remitidas ao xulgado de Instrución de Bande.
