O aventureiro e presentador de televisión Jesús Calleja, que se define a si mesmo nas súas redes sociais como "un aventureiro, alpinista, viaxeiro e, por encima de todo, un home feliz" fixo gala desa alegría na súa felicitación do Nadal, para a que elixiu un marco incomparable: a praia das Catedrais de Ribadeo. No areal, e escoltado polos seus seres queridos, o leonés demostra unha vez máis a súa paixón por Galicia e, en especial, pola provincia de Lugo.
"Amigos, bo nadal desexámosvos a miña familia e eu. Darvos as grazas por estar aí, facédesnos moita compañía cando estamos tanto tempo fóra de casa e leo os vosos comentarios! QUÉROVOS MOITO AMIGOS!!", escribiu para acompañar un vídeo no que agradece o apoio dos seus seguidores ao longo do ano e dálles un consello: "Todo o mundo temos problemas, en maior ou en menor medida, pero non son tantos os problemas que cremos ter, o importante é que teñas os teus cerca, ver o sol, os amigos, a familia... hai que dar grazas todos os días por estar ben", suxire na gravación, que compartiu tanto en Facebook como na súa conta de Instagram.
Nesta última rede social, ademais, publicou outra imaxe dun dos seus memorables momentos en Lugo. "Cos meus amigos de @maresma na zona das Catedrais (Lugo) vendo golfiños. Quen dixo que en Galicia fai frío e chove?, pois 18 graos e con solazo!".
