A Sección Primeira da Audiencia Provincial da Coruña xulgará este luns e martes 18 e 19 de xaneiro, ás 10.15 horas, a sete persoas por tráfico de drogas e, a un deles, por protagonizar unha persecución policial.
Dos sete acusados, a maior parte deles teñen antecedentes, segundo a información proporcionada polo Tribunal Superior de Xustiza de Galicia (TSXG).
En concreto, xúlgaselles pola súa presunta participación nunha compravenda de heroína que se realizou no polígono Río de Pozo, situado en Narón (A Coruña).
En particular, un dos acusados, que tiña o carné retirado, protagonizou unha persecución policial que comezou cando os axentes lle deron o alto. Por todo iso, o fiscal pide oito anos para os acusados de tráfico de drogas e un ano e oito meses para o que, ademais, está acusado o delito contra a seguridade viaria. O caso procede do Xulgado de Instrución Número 2 de Ferrol.
O fiscal pide oito anos para sete acusados de tráfico de drogas na Coruña
A maior parte deles teñen antecedentes
