Un kamikaze sementou o pánico este domingo pola mañá na A-6, nas inmediacións de Baralla e O Corgo, onde chocou con outro vehículo e continuou a marcha sen deterse.
Varios particulares deron aviso ao 112, ao redor das 8.30 horas, de que un coche circulaba en sentido contrario en dirección Madrid pero polos carrís que van cara á Coruña.
Segundo a información recibida, o turismo chocou contra outro vehículo e continuou a marcha á altura do punto quilométrico 470, en Baralla. A ocupante do coche sinistrado necesitou asistencia médica e foi trasladada polos servizos sanitarios de urxencia.
Foron mobilizados os Bombeiros de Sarria, á Garda Civil de Tráfico, ao GES de Becerreá e ao servizo de mantemento da vía.
