A Orde do Camiño, que este sábado celebra o seu 19 capítulo ordinario, recibiu no seu seo 35 novos membros, procedentes de seis países, e supera os 1.000 cabaleiros e damas.
O capítulo, no que participaron máis de 200 integrantes, iniciouse este sábado en Santiago coa asistencia á misa do peregrino na catedral compostelá e concluirá mañá coa plantación de árbores no camiño polos seus novos integrantes.
Entre os novos membros da asociación, figuran representantes empresariais como o presidente da asociación de empresarios galegos en Estados Unidos e director cinematográfico, José Manuel Brandariz; ou o presidente da liga Chinesa en Portugal Y Ping Chow, ou o vicepresidente da Openbank e presidente de Bansalud, Enrique García Vandelas, así como o membro da Brigada da Garda de Finanzas de Italia, Valentino Pisegno ou o presidente do Centro Cirúrxico Garden Center de Estados Unidos, Ricardo Esteban Rodríguez.
No XIX capítulo participou tamén a directora de Turismo de Galicia, Nava Castro, que se referiu ao Camiño de Santiago como "un referente de intercambio e interculturalidade que se converteu nun dos fenómenos máis universais da civilización actual".
A Orde do Camiño suma 35 novos integrantes
Procedentes de seis países, foron investidos este sábado en Santiago como damas e cabaleiros da asociación, que xa supera os 1.000 membros
