Liberado un indixente atrapado polo pescozo pola porta dun garaxe
17 de marzo de 2019 (20:15 h.)
A Policía e os bombeiros de Vigo tiveron que intervir para rescatar o home
Os bombeiros e a Policía Local de Vigo liberaron este domingo pola mañá un home que se viu atrapado pola porta dun garaxe no que pasaba a noite. Ocorreu cando a vítima, un indixente que ao parecer adoita resgardarse no aparcadoiro da rúa Tomás Alonso para durmir, quixo saír ao exterior. Calculou mal e quedou aprisionado polo pescozo polo portalón, sen poder liberarse polos seus propios medios.
Afortunadamente, grazas á intervención dos efectivos de urxencias, o home saíu do incidente con lesións leves.