Lixeiro descenso das temperaturas para este luns

A xornada deste luns estará caracterizada en Galicia por unha situación moi indefinida en superficie, pero con aire frío nas capas medias e altas da atmosfera.

Con esta situación, espéranse ceos abertos pola mañá, con nubes no extremo norte, onde incluso poderá haber algunha choiva débil tipo rocío.

Pola tarde irán crecendo nubes de evolución, que deixarán chuvascos illados, máis probables na metade sur.

As temperaturas mínimas continuarán sen cambios, mentres que as máximas sufrirán un lixeiro descenso. Os ventos soprarán do nordeste, moderados no litoral e máis frouxos no interior.