Unha veciña de Miño que desapareceu o luns tras deixar a súa filla no colexio foi localizada este martes por unha patrulla da Garda Civil de Betanzos, segundo informaron fontes da Benemérita. Apareceu nunha área de servizo da autoestrada AP-9, lugar ao que se desprazou unha ambulancia.
Pouco antes de confirmarse a súa aparición, o coronel Francisco Javier Jambrina, da comandancia da Garda Civil na Coruña, explicaba que a muller, "con antecedentes de problemas de depresión", non chegara ao seu traballo tras deixar a súa filla. Confirmou que se manexaba a hipótese dunha "desaparición voluntaria".
