Localizado un ancián que desapareceu en Cambre

A Garda Civil do Posto de Cambre localizou a un ancián, con problemas de orientación, que desaparecera do seu domicilio no lugar de Agra do Mero, informa nun comunicado.

O ancián habíase precipitado por un terraplén e quedara oculto entre a maleza, a uns douscentos metros da súa casa.

A Policía Local de Cambre e Protección Civil participaron no rápido dispositivo que se iniciou tras ter coñecemento da desaparición do ancián, que adoitaba portar un dispositivo que debeu quedar sen batería porque non daba sinal.