Ao redor de 150.000 persoas –segundo datos dos asistentes– concentráronse este sábado en Madrid para esixir unha "equiparación salarial real, total e efectiva das Fuezas e Corpos de Seguridade do Estado coas policías locais e autonómicas".
Na marcha, organizada por Jusapol e cuxos protagonistas cualificaron de "exitosa", participaron ao redor de 350 de Galicia.
Os manifestantes esixiron ao goberno actual e ao que salga das urnas o próximo 10 de novembro a subida dos salarios dos corpos policiais, algo polo que "non pararemos de loitar", indicaron. Ademais, a marcha tamén serviu para render homenaxe "aos compañeiros desprazados estes días na Comunidade de Cataluña, sufrindo unhas condicións de servizo lamentables e nunha situación de abandono por parte do Goberno de España".
Por iso, no acto, que comezou ás 12:00 na Praza de Callao e finalizou ás 14:30 diante da sede do Ministerio do Interior, esixiuse por parte dos asistentes a "dimisión" do ministro Fernando Grande-Marlaska.
