Este martes estréase o documental sobre Laureano Oubiña
O mércores DMAX ofrecerá a segunda entrega da reportaxe 'Eu fun un narco', centrado na vida do contrabandista galego
Este martes e mércores DMAX ofrece Yo fui un narco, documental que repasa a traxectoria de Laureano Oubiña a partir de testemuños de xornalistas, avogados, testemuñas, fiscais e xuíces, entre os que destacan o xuíz Baltasar Garzón, o ex-narcotraficante e testemuña protexida do caso Nécora, Ricardo Portabales, e o propio Oubiña.
A moitos quilómetros de distancia pero coa mesma temática volve unha das series máis potentes de Netflix, Narcos. A saga trasládase a México a partir do venres para contar a historia real do ascenso ao poder do cártel de Guadalaxara e o inicio das guerras da droga no México dos anos 80 con Michael Peña, Diego Luna e Tenoch Huerta como protagonistas.