A vida dos nativos dixitais desenvólvese, cada vez máis, en dous universos paralelos: o analóxico e o que exploran a través das pantallas. Estas últimas proporciónanlles ferramentas e competencias que son claves para o seu futuro e, ademais, ofrécenlles novas oportunidades de lecer e de socialización. Pero tamén entrañan riscos, sobre todo se terminan derivando nun uso problemático.
Constátao o último informe da asociación de usuarios e consumidores dos medios de comunicación iCmedia Galicia, elaborado con enquisas a 1.150 mozos galegos de entre 12 e 25 anos e no que a metade dos participantes admite que tivo algún tipo de trastorno psicolóxico ou peores notas por pasar moitas horas conectado a internet
Tensións, cambios emocionais, trastornos do soño e a alimentación, perda de memoria… son algúns dos efectos que describen as análises sociolóxicas e psicolóxicas sobre a adicción ás pantallas. A sondaxe de iCmedia Galicia, presentado este xoves en Vigo, recolle que un de cada tres mozos galegos liga o abuso destas cos problemas que experimentou á hora de durmir. No caso das mozas de entre 17 e 25 anos, é unha de cada dúas. Tamén elas aluden á ansiedade en maior medida (15%). eles son máis propensos ao ataque de ira (15,2%).
E son comportamentos que se trasladan ao rendemento escolar. O 17,9% dos mozos galegos recoñecen que este uso problemático ha prexudicado as súas notas. E os mozos (19,6%) din verse máis afectados que as mozas (18,8%).
En menor medida sinalan que a adicción ás pantallas provócalles illamento social (7,4%) e ciberacoso ou acoso escolar (4,4%).
Xute de dopamina
Pero, ¿que xera esta tendencia a abusar de internet e das pantallas?
Os rapaces de Galicia dedican o seu tempo online principalmente ás redes sociais (78,3%), a escoitar música (71,3%) e a ver vídeos (68,9%). Catro de cada dez pasan máis de tres horas ao día nas redes, "unha porcentaxe que se eleva en máis de seis puntos con respecto ao ano pasado", avisa iCmedia Galicia, que neste apartado engade que "nos últimos anos aumentaron de forma espectacular as contas en strong <>TikTok". Ten unha o 50,2% dos enquisados, só por detrás de strong <>WhatsApp (50,5%) e Instagram (54,4%).
A rede chinesa baséase en ofrecer vídeos curtos en bucle, de forma indefinida, o que provoca no usuario unha intriga sobre que virá a continuación, alimentando o seu desexo de seguir conectado. Ademais, o seu algoritmo é potente e preciso: a asociación remítese a estudos que calculan que o 95% dos contidos que ven recoméndaos a propia aplicación. Estratexias que "provocan que se active o sistema de recompensa do cerebro, do mesmo xeito que o fan as drogas ou outras condutas adictivas como ludopatía ou as compras compulsivas", explica citando aos especialistas en adiccións de Orbium.
