A repentina morte de Juan Luis Peña, comandante da residencia militar da Brilat destinado en Pontevedra, conmocionou esta fin de semana os veciños da Boa Vila. Morreu este sábado cando disputaba un partido no campo da Malata de Ferrol, nun torneo de veteranos.
De 51 anos, deixa dous fillos. Aínda que os médicos que se atopaban no terreo de xogo realizáronlle deseguido a manobra de reanimación ata que chegaron os efectivos do 061-Urxencias Sanitarias —a ambulancia tardou menos de dez minutos—, non foi posible salvar a súa vida.
Está previsto que este domingo se lle practique a autopsia.
