Un motorista de 34 anos de Ames faleceu e a súa acompañante resultou ferida grave nun accidente de tráfico rexistrado este domingo na AP-9, á altura do termo municipal de Vigo.
Segundo informa o 112, viaxaban a bordo unha moto que chocou cun turismo no punto quilométrico 156, á altura da saída en dirección a Baiona. Foi un particular quen deu o aviso ao redor das 17.00 horas.
O mozo faleceu no punto mentres que o seu acompañante foi evacuada nunha Uvi móbil ao Hospital Álvaro Cunqueiro de Vigo. Foron avisados o 061-Urxencias Sanitarias, os axentes da Garda Civil de Tráfico e os Bombeiros de Vigo.
