Unha nova alta deixa en tres o número de hospitalizados tras o sinistro no Marisquiño
Dous dos afectados seguen ingresados no Hospital Álvaro Cunqueiro e o outro está no Complexo Hospitalario Universitario de Santiago
Un dos feridos que estaba ingresado no Hospital Álvaro Cunqueiro polo derrube dunha pasarela en Vigo, durante a celebración do festival de deporte e música O Marisquiño, foi dado de alta nas últimas horas mentres outros tres permanecen ingresados, informou este sábado a Consellería de Sanidade da Xunta.
Tres persoas continúan hospitalizadas por este accidente ocorrido nun concerto celebrado o pasado domingo neste festival que se saldou con 467 persoas feridas de distinta consideración, tras o esborralle do chan no Parque das Avenidas.
Dous dos afectados seguen ingresados no Hospital Álvaro Cunqueiro e o outro está o Complexo Hospitalario Universitario de Santiago.