Soben a 15 as mortes por coronavirus asociadas á residencia do Incio
06 de septiembre de 2020 (22:09 h.)
Tamén morreu unha usuaria da residencia de Outeiro, co que en Galicia xa hai 661 vítimas mortais
Un home de 88 anos, usuario da residencia de maiores de O Incio e ingresado no Hospital Lucus Augusti (Hula) tras contaxiarse de coronavirus, faleceu este domingo, co que son quince as mortes por tal enfermidade asociadas a este centro, que sofre un importante brote.
O servizo galego de saúde (Sergas) tamén informou doutro deceso ligado a residencias, neste caso en Outeiro de Rei, tamén en Lugo, e trátase dunha muller de 89 anos que se atopaba no mesmo complexo médico.
Os dous presentaban patoloxías previas, sinala Sanidade. Os falecidos da pandemia na comunidade ascenden a 661, sumando estes dous novos casos.