Unha persoa resulta ferida nunha colisión en Carnota
09 de julio de 2020 (21:54 h.)
O accidente entre dous turismos ocasionou que os equipos de emerxencia excarceraran a unha persoa
Unha persoa resultou ferida esta tarde nunha colisión na que se viron implicados dous turismos en Carnota. Segundo se lle indicou ao 112 Galicia, os Bombeiros de Cee e os efectivos do GES de Muros empregaron o material de excarceración para acceder á persoa accidentada e que fose atendida polos servizos sanitarios.
O sinistro produciuse na AC-550, concretamente na subida de Freáns, ao fío das 16:40 horas. Nese momento, unha persoa particular contactou co 112 Galicia para dar conta do ocorrido. A partir de aí, desde o CIAE 112 Galicia solicitouse a intervención de Urxencias Sanitarias de Galicia-061, da Garda Civil de Tráfico, do GES de Muros, da Policía Local e dos Bombeiros de Cee.